عالمی اخبار کے مستقل کالم نگار،دینی موضوعات کے مستند لکھاری  اور معروف محقق جناب احمد ترازی کے برادر نسبتی ''سالے'' 28 سالہ شاکر علی کو کراچی میں نامعلوم افراد نے اغوا کر لیا ہے اور اب انکی رہائی کے لیئے تاوان کا مطالبہ کیا جا رہا ہے۔

پاکستان میں روز بروز امن عامہ کی بگڑتی ہوئی صورت حال اور اغوا،ڈکیتی اور ایسے ہی دیگر جرائم کے باعث عام شہریوں کی زندگی وبال جان بن کر رہ گئی ہے۔

احمد ترازی کی اہلیہ شدید پریشان ہیں اور بھائی کے اغوا کے غم میں نہایت علیل ہو ئی ہیں ۔ بتایا گیا ہے کہ اغوا کرنے والوں نے رہائی کے بدلے پچاس لاکھ روپے کا مطالبہ کیا ہے جو اس متوسط طبقے کے گھرانے کے لیئے ناممکن سا کام ہے۔

مغوی کی چھوٹی چھوٹی تین بچیاں ہیں

تفصیلات کے مطابق مغوی کا ایک مرتبہ فون اس کی بیوی کے پاس آیا جس میں اس نے بتایا کہ مجھے یہ لوگ اٹھا کر لے آئے ہیں  اور میں کہاں ہوں کچھ معلوم نہیں۔ انہوں نے بہت مارا ہے اور پیسے مانگ رہے ہیں۔ انہوں نے اپنی بیوی سے مزید کہا کہ  تم اپنا اور بچوں کا خیال رکھنا۔

 اس کے بعد سے کوئی رابطہ نہیں ہوا اور اس کا فون مسلسل بند جارہا ہے ،اغوا کرنے والوں نے بھی کوئی فون نہیں کیا اور اس کے بعد نہ کوئی رابطہ ہوا ہے

عالمی اخبار کی انتظامیہ صوبے کے وزیر اعلیٰ، وزیر داخلہ اور پولیس کے سربراہ سے اپیل کرتی ہے کہ وہ ایک صاحب علم جناب احمد ترازی اور ان کے گھر والوں کی اس موقع پر مدد کریں اور مغوی کی بازیابی کی کوشش کریں۔

ہم اپنے تمام قارئین سے بھی درخواست کریں گے کہ وہ جناب احمد ترازی کے سالے کی باحفاظت بازیابی کے لیئے رمضان المبارک کی ان مبارک اور متبرک راتوں میں خاص دعا کریں۔