برصغیر کے نامور کامیڈین منور ظریف کی33ویں برسی گزر گئی۔ منور ظریف 19 اپریل 1976 کو دل کا دورہ پڑنے سے دار فانی سے رخصت ہو گئے تھے ۔ان کی مزاحیہ اداکاری کا انداز بالکل منفرد اور نرالا تھا جس کے مختلف پہلوﺅں کو آج تک کسی نہ کسی شکل میں کاپی کیا جا رہا ہے ۔

منور ظریف نے 60 کی دہائی میں بطور جونیئر اداکار اپنے کیئریر کا آغاز کیا مگر چند سالوں میں ہی وہ نامور اداکاروں کی فہرست میں شمار ہونے لگے ۔

ہیر رانجھا ، بنارسی ٹھگ، جیرا بلیڈ ، نوکر ووہٹی دا اور انجام کے علاوہ انہوں نے لاتعداد کامیاب فلموں میںاپنے فن کے جوہر دکھائے ۔ منور ظریف کے عہد میں رنگیلا ، لہری اور ننھا بھی پاپولر کامیڈین میں شمار کئے جاتے تھے تاہم منور ظریف ان کامیڈین میں بھی نمایاں نظر آتے تھے۔

وہ جسمانی حرکات و سکنات کے ساتھ سات فی البدیہ جملے بولنے میں بھی مہارت رکھتے تھے ۔ اکثر اوقات انہیں فلمی سین کے لئے حالات و واقعات بتا دیئے جاتے تھے اور وہ اپنے جملے خود ہی بول دیتے تھے اور یہی جملے فلم کی کامیابی کے ضامن بن جاتے تھے ۔

منور ظریف آج کے کامیڈین اسٹار میں بھی بے حد مقبول ہیں اور بات کا اعتراف سہیل احمد، عمر شریف، امانت چن، ساجن عباس، آغاساجد، سلیم البیلا ، اکرم اداس، سلطان بھٹہ اور سکندر بھٹہ بھی کر چکے ہیں ۔