14.12.2018, 11:14am , جمہ (GMT+1)
 
وفاقی کابینہ کا بھارتی سرجیکل اسڑائیک کا دعوی مسترد،کنٹرول لائن پر بھارتی فورسز کی بلا اشتعال فائرنگ کو سیز فائر کی خلاف ورزی قرار دیا ہے۔ ; ایل او سی کی پہلی دفاعی لائن پر بلااشتعال فائرنگ کے جواب میں پاکستانی فورسز کی فائرنگ سے تتہ پانی سیکٹر میں بھارتی فوج کے اہلکار بھی ہلاک ; بھارتی ہٹ دھرمی کے باعث سارک سربراہ کانفرنس ملتوی ،انیسویں سارک سربراہ کانفرنس نومبر میں اسلام آباد میں ہونی تھی، بھارت کا شرکت سے انکار ; پاک بھارت کشیدہ تعلقات ۔ بھارت نے کہا ہے کہ وہ نومبر میں اسلام آباد میں ہونے والی سارک کانفرنس میں شرکت نہیں کرے گا۔ ; امریکی صدارتی مباحثوں کی تاریخ میں ایک مرد اور خاتون امیدوار کے درمیان پہلامباحثہ ۔ ۔دنیا بھر دس کروڑ لوگوں نے یہ مباحثہ براہ راست دیکھا
        [تفصیلی تلاش]
 
 
 
رپورٹس/ملٹی میڈیا » بیاد سید عاشور کاظمی
 

سید عاشور کاظمی کا سوئم بدھ کو برمنگھم حسینیہ میں ہو ا
10.06.2010, 09:12am , جعمرات (GMT+1)

محمدصفدر عالمی اخبار لندن بیورو
 



برطانیہ میں مقیم اردو ادب کا ایک بڑا نام، شاعر،ادیب، محقق اور نقاد سید عاشور کاظمی جنکی حالت چند روز سے تشویشناک تھی وہ اتوار چھ جون کو 78 برس کی عمر میں اپنے خالق حقیقی سے جا ملے تھے اور انہیں پیر سات جون کو برمنگم میں ہینڈز ورتھ کے قبرستان میں سپرد خاک کر دیا گیا

انااللہ وانا الیہ راجعون

سید عاشور کاظمی کا سوئم بدھ کو برمنگھم کی حسینیہ مسجد میں ہوا جس میں انکے اعزہ اور احباب نے شرکت کی۔ شرکا نے ایصال ثواب کے لیئے قرآن خوانی کی جس کے بعد مجلس عزا منعقد کی گئی



اس قدر فقدان تھا حرف وفا کا شہر میں
دوستوں کو دیکھ کر دشمن ہمیں اچھے لگے

اس سے قبل انکی نماز جنازہ پیر سات جون کو دوپہر دو بجے حسینیہ مسجد ہربرٹ روڈ سمال ہیتھ برمنگھم میں ادا کی گئی اور بعد ازاں انہیں ہینڈز ورتھ کے قبرستان میں سپرد خاک کیا گیا۔ نماز جنازہ اور تدفین میں انکے متعدد احباب،دوستوں اور مداحوں نے شرکت کی اور انکی مغفرت کی دعا کی۔

  تدفین کے موقع پر قبر میں اتارتے ہوئے معروف سوز خوان سید آصف رضا نے اپنی پردرد آواز میں '' میدان میں کوئی جانے والا نہ رہا'' پڑھ کر فضا کو مزید سوگوار اور آنکھوں کو اشکبار کر دیا

سید عاشور کاظمی کی تدفین کے بعد حسینہ مسجد برمنگھم میں مجلس ترحیم ہوئی جسمیں تلاوت کلام پاک کے بعد سید عاشور کاظمی کے قریبی ساتھی اور دوست عالمی اخبار کے مدیر اعلیٰ،مرثیہ نگار صفدر ھمدانی نے سید عاشور کاظمی کو خراج عقیدت پیش کرتے ہوئے کہا کہ ہم لوگ بنیادی طور پر مردہ پرست ہیں اور اس انتظار میں رہتے ہیں کہ کوئی بڑا فنکار یا ادیب مرے اور ہم اسکی تعریف کریں۔ انہوں نے عاشور کاظمی کی ادبی،دینی اور سماجی خدمات کا تزکرہ کیا اور اپنے قلم قبیلے کی بے حسی کا شکوہ کیا

سید عاشور کاظمی کی تدفین میں ادیبوں اور شاعروں میں صفدر ھمدانی کےعلاوہ ڈاکٹرنوید حسن،سجاد حیدر،آدم چغتائی , قیصر زیدی اور اقبال نوید شامل تھے جبکہ اہل ادب کی ایک بڑی تعداد نے بے حسی کا مظاہرہ کیا

عالمی اخبار کے مدیر اعلیٰ صفدر ھمدانی، ادارتی عملے اور قلم کاروں کے علاوہ قارئین نے انکی وفات پر دکھ اور صدمے کا اظہار کیا ہے اور خالق کون و مکاں سے دعا کی ہے کہ وہ انہیں جوار سید الشہدا میں جگہ عنایت کرے۔

سوگواروں نے سید عاشور کاظمی کی بہن شبانہ کاظمی اور دیگر اہل خانہ سے تعزیت کا اظہار کیا ہے


عاشور کاظمی اور صفدر ھمدانی
عاشور کاظمی اہم تصانیف میں'' ترقی پسند ادب 50 سالہ سفر، مرثیہ نظم کی اصناف میں، چھیڑ خوباں سے، سخن گسترانہ بات، بیسویں صدی کے اردو اخبارات اور رسائل مغربی دنیا میں، بیسویں صدی کے اردو نثر نگار مغربی دنیا میں، 1857 کے غداروں کے خط،فسانہ کہیں جسے اور صراط منزل'' شامل ہیں


متعدد کتابوں کے مصنف سید عاشور کاظمی کو چند برس سے مثانے کا کینسر تھا جسکا علاج برمنگھم میں جاری رہا تا ہم جنوری سے وہ مستقل ہسپتال میں تھے اور چند ہفتے پہلے ڈاکٹروں نے انکے تسلسل حیات کا جواب دے دیاتھا

مالک موت و حیات تو وہ خالق ہے جس نے انسان کو پیدا کیا اور وہی جانتا ہے کہ وہ  کب  اور کسےاپنی بارگاہ میں بلاتا ہے
صفدر ھمدانی،ماہ پارہ صفدر،عاشور کاظمی اور شبانہ کاظمی
سید عاشور کاظمی نے ایک شاعر اور ادیب کے طور پر بہت بھرپور زندگی گزاری ہے اور متعدد کتابوں کے مصنف ہیں ۔

انکی تازہ ترین تصنیف تحقیقی کتاب ''اردو مرثیے کا سفر'' ہے جس مکمل کرنے میں انہیں کئی برس لگے۔

عالمی اخبار کے قارئین سے درخواست ہے کہ سید عاشور کاظمی کی مغفرت کے لیئے سورہ فاتحہ تلاوت فرمائیں۔

:دیگر مضامین
(09.06.2010) بیسویں صدی کے اردو اخبارات اور رسائل مغربی دنیا میں
(09.06.2010) سید عاشور کاظمی کا سفر آخرت۔ تصویری کہانی۔از۔محمد صفدر
(08.06.2010) سید عاشور کاظمی کی تدفین پر آصف رضا کی سوز خوانی
(08.06.2010) سید عاشور کاظمی کی مجلس ترحیم سے صفدر ھمدانی کا خطاب
(07.06.2010) غم سہے رسوا ہوئے خود ذات کی تحقیر کی۔عاشور کاظمی
(07.06.2010) عمر کا سورج ڈھلنے لگا ہے اور زخمی ہے پاؤں ۔ عاشور کاظمی
(07.06.2010) سید عاشور کاظمی کا آفاقی کلام ۔ یا علی مدد
(07.06.2010) زمیں کی پستیوں پہ رہ کر ۔ کلام عاشور کاظمی۔آواز۔کامران رضوی



 
تمام خبریں  
مضامین/تجزیات   
عالمی خبریں   
عالمی اخبار تازہ ترین   
پاکستان/ بھارت   
ایشیا/یورپ/آسٹریلیا   
مشرق وسطیٰ/افریقہ   
اعلان و انتخاب آجکا دن   
رپورٹس/ملٹی میڈیا   
بیاد سید عاشور کاظمی  »
عالمی اخبار کھیل   
صحت/سائینس   
شخصیات، انٹرویوز   
عالمی اخبار ادبیات   
Reports,Naheed Gallery   
Pak/India/Gulf   
International/Sports   
 
 

  عالمی اخبار  کے ادارتی عملے میں مختلف عالمی اداروں کے اپنے اپنے شعبے کے ماہرین شامل ہیں اور اس اخبار میں خبروں،تبصروں اور کالموں کے علاوہ ہر موضوع اور ہر کسی کے لیئے مواد موجود ہے۔ عالمی اخبار کی پالیسی صاف ستھری ،آزادانہ اور بے لاگ صحافت ہے۔
. رابطہ ٹیلی فون:  لندن447796515479+ ،  آسٹریلیا 61425201035+ ،  ای میل:  رابطہ@عالمی اخبار۔کوم۔  جملہ حقوق بحق عالمی اخبار۔کوم محفوظ ہیں