میں اپنی زیر تکمیل کتاب ” حسین ڈھونڈتی ہوں” میں سے کچھ ابتدائیہ جملے آپ محترم صاحبان کےساتھ شیئر کرنا چاہ رہی ہوں ۔ میں اپنے امی ابو کی شادی کے 3 سال بعد بہت منتوں مرادوں سے لی گئی ، اور مجھے ڈانٹنا تو کیا گھورنا بھی ناممکن تھا کسی مقدس چیز سے کم حیثیت نہ تھی بقول میرے امی ابو کے کہ جب تک انشاءاللہ وہ حیات ہیں ہر سال چھ یا نو محرم کو شہزادہ علی اصغر کے جھولے میں کرتا رکھتےر ہیں۔گے مجھے آج بھی یاد ہے کہ جب میری عمر غالباً 4 سے 5 سال کے درمیان تھی 9 محرم کی رات بڑی عجیب سی تھی میری امی نے بان سے بنی چارپائیاں صحن میں الٹی کر کے بچھا دیں جس پر ہم رات بھر سوئے صبح اٹھے تو پتہ چلا کہ آج گھر میں چولہا نہیں جلے گا کیونکہ آج روز عاشور ہے ہم بچوں نے رات کی بچی نیاز کھائی اور امی ابو فاقے سے تھے ابو فوراً بولے جلدی کرو جلوس برآمد ہونے والا ہے 19 بلاک (سرگودھا) پہنچنا ہے میں بھی عام دنوں کی طرح اندر بھاگی اور بالوں میں کنگھی کر کے لوٹی تو جب ابو نے میرے بالوں میں کنگھی دیکھی تو فوراً مجھے ڈانٹ کے بولے کہ آج روز عاشور ہے امام حسین کی شہادت کا دن ہے آج کے دن کنگھی نہیں کرتے یہ پہلی ڈانٹ تھی اور میں حیران تھی کہ یہ کون شخص ہے جو آج میرے ماں باپ کو مجھ سے زیادہ عزیز ہے اب میرے لئے یہ بات اہم تھی کہ میں اس حسین نامی شخصیت کو ڈھونڈوں جب ہم مجلس میں پہنچے تو میں اور میرا بھائی زین ابو کے ساتھ مردوں میں شریک ہوئے اور میری دونوں چھوٹی بہنیں سعدیہ اور صدف امی کے ساتھ ہو لیں اچانک لوگوں نے مجلس میں اونچا اونچا رونا شروع کر دیا میرے دیکھتے ہی ذوالجناح برآمد ہوا پھر کیا تھا ایک قیامت خیز منظر میری آنکھوں کے سامنے تھا لوگوں نے ہائے حسین یا حسین کی صدائیں بلند کیں سروں پر خاک اڑائی اور زنجیر زنی شروع ہو گئی ۔ میرے لئے یہ سارا منظر مزید جستجو پیدا کر رہاتھا کہ حسین کدھر ہیں مجھے آج ان سے ملنا ہے اتنی محبت کے ہر شخص یا حسین یا حسین کرتا پھر رہا ہےاور میرے والد باآواز بلند رو رہے ہیں میں سارا دن ابو کی انگلی پکڑے کبھی دودھ کبھی پانی کی سبیلوں پر اور کبھی بک سٹالز پر حسین ڈھونڈتی رہی اور جب شام ہوئی تو میں نے ابو سے پوچھا ابو حسین کہاں ہیں تو ابو نے مجھے کہا کہ یزید نے انہیں بھوکا پیاسا مار ڈالا اس دن میری ننھی سی سوچ میں یہ بات آئی اور میں اپنے دل میں غصے سے کہا کہ یزید میں تجھے زندہ نہیں چھوڑوں گی کہ تو نے آج اس شخص کو مارڈالا جو میرے ابو کو مجھ سے زیادہ عزیز ہے خیر میں بڑی ہوئی اور وقت کے ساتھ ساتھ مجھے یہ اندازہ ہوا کہ میں ایسے ہی حسین ڈھونڈتی پھر رہی تھی وہ تو ہر لمحے میرے ساتھ ہیں لیکن جب میں یونیورسٹی لائف میں پہنچی تو مجھے پھر سے حسین نے حیرت میں ڈال دیا کہ جب میں نے لاہور میں ہندو رہنما ڈاکٹر منوہر چندر کی زبانی حسین پر اپنا حق جتلاتے سنا اور ابھی حیرت کم نہ ہوئی تھی کہ جب سکھ کمیونٹی کے سربراہ سردار بشن سنگھ نے مجھ سے التجا کی کہ کوئی ایسا طریقہ اختیار کرو کہ ہم سکھ برادری بھی محرم کے ایام میں سبیلیں لگا سکیں اور پارسی کمیونٹی کے رہنما نوشیرواں دستور اور جوزف مسیح کو جب میں نے حسین کو اپنا کہتے ہوئے سنا تو حسین کی وسعت میری فہم سے بالا تر نکلی اور تب سے میری تلاش پھر سے شروع ہو گئی اور میں حسین ڈھونڈتی ہوں ۔ سلام یاحسین سلام یاحسین !!!!!!!!!!!”
“>
سبحان اللہ اتنا خوبصورت بلاگ میں نے آج تک نہیں پڑھا ۔۔ مبارک ہو نادیہ تم ایک نیچرل اور پیدائشی رائٹر ہو ۔۔ ۔۔۔ بابا کا لکھا ہوا ایک حسین ترین شعر ہے حسین تیرا حسین میرا حسین ہم سب کا۔۔حسین حیدر کا مصطفیٰ کا حسین رب کا۔۔۔۔۔۔۔۔ سلامت رہو ۔۔ ڈھیروں دعائیں ۔۔
“>
نادیہ بی بی۔ سلامت رہو۔ تم نے تو میری چیخیں نکلوا دی ہیں۔ اتنا بڑا سچ،اتنی بڑی حقیقت اور اس انداز میں لکھی کہ دل کانپ گیا۔ نادیہ قسم ہے مولا کی تم فطری قلم کار یعنی نیچرل رائٹر ہو۔ اس کمال فن کو ضائع نہ ہونے دینا کبھی بھی۔
ارے یہ مسلمانوں کی اکثریت بدقسمت ہیں جنہوں نے حسین اور اولاد حسین کو چھوڑ کر ذلت مقدر کر لی۔جس طرح اللہ رب العالمین ہے اور نبی آخر رحمت الالعالمین ہیں اسی طرح نواسہ رسول امام حسین شہید العالمین ہیں۔ یہ تو ہم ہیں جنہوں نے امام حسین کو شیعوں کاحسین بنا دیا اور رضی اللہ اور علیہ السلام کی جنگ میں گم کر دیا۔ کمال تو سکھوں اور ہندؤں اور ایسے ہی غیر مسلموں کا ہے جنہوں نےنواسہ رسول کو اپنا کہا ہے اور ہم کہ اپنوں کو غیر بنا دیا ہے۔
میں تو حیران ہوتا ہوں کہ ہم آخر امام حسین کو صرف محرم میں ہی یاد کیوں کرتے ہیں۔ وہ تو سانس ہیں،روح ہیں،رگوں میں دوڑتا لہو ہیں۔
سنو میرا بیٹا محمد بھی شب عاشور کی پیدائش ہے اور وہ بھی تمہی جیسی باتیں کرتا ہے کہ میں جب پیدا ہوا تھا تو علم ہاتھ میں لے کر آیا تھا۔
کاش مسلمان امام حسین کو سمجھ سکتے۔ غضب تو یہ کہ نہ تو 61 ہجری کے مسلمانوں نے انہیں سمجھا اور نہ آج کے مسلمانوںنے انہیں پہچانا
آج کے عالمی اخبار میں میری ایک نظم شائع ہوئی ہے۔۔۔۔حسین آؤ کہ آج دنیا کو پھر ضرورت ہے کربلا کی۔۔۔۔۔۔اسکی چند لائنیں سن لو
حسین ابن علی کہاں ہے؟
کہ ہر طرف ابرِ آتشیں ہے
فلک سے لیکر زمیں کے سینے کی ہڈیوں تک
لہو کے پودے اگے ہوئے ہیں
میں اپنے دوزخ کی آگ میں اب بھی جل رہاہوں
میں اپنی حدت کی روشنی میں پگھل رہا ہوں
حسین ابن علی کہاں ہے کہ جسم کی نرم دیوار گر رہی ہے
سمندروں کے نحیف سینوں پہ سبز کائی اگی ہوئی ہے
زمیں کے آنسو نکل رہے ہیں
شکستہ چہروں کی زرد آنکھیں لہو کے احرام باندھ کر منتظر ہیں
فلک کے ہاتھوں کی انگلیاں بھی الجھ رہی ہیں
تمام کوہسار گر رہے ہیں
زمین کروٹ بدل رہی ہے
میں اپنے ہی کارواں سے بچھڑا تو آج تنہا کھڑا ہوا ہوں
میں اپنے ہاتھوں پہ سرد لمحوں کی لاش رکھ کے
سلگتی مٹی کے سرخ سینے پہ خیمہ زن ہوں
میں بے کفن ہوں
حسین دشت بلا کے ذرے پکارتے ہیں
حسین بالی سکینہ تپتی زمیں پہ بیٹھی
جلے ہوئے خیمہ گاہ پہ آنسو بہا رہی ہے
حسین اصغر کا خالی جھولا پکارتا ہے
حسین بیمار کربلا کی چمکتی آنکھوں میں ایک تاریخ خیمہ زن ہے
حسین میرے سلگتے ہاتھوں کو سرد لمحوں کا رنگ دے دو
حسین میری زمیں کو آنکھوں کا نور دے دو
”حسین آؤ کہ اب شہادت کا لفظ معنی بدل رہا ہے
حیسن آؤ کہ وقت انساں کو اپنے ہاتھوں مسل رہا ہے
حسین آؤ کہ اب تو آنکھوں کی بینائی پانی میں ڈھل گئی ہے
حسین آؤ کہ آج کے آدمی کی ہیئت بدل گئی ہے
حسین میرے نحیف سانسوں کو پھر ضرورت ہے انبیا کی
قسم خدا کی
حسین آؤ کہ آج دنیا کو پھر ضرورت ہے کربلا کی۔
نادیہ بخاری ،،، آپ کا بلاگ پڑھا ، آنکھیں آنسووں سے بھیگ گیئں ۔ ماشاءاللہ بہت اچھے اور دل کو چھوہ لینے والے انداز میں اپ نے اسے قلم بند کیا ہے ۔ اپ کے اندر خدا کی عنایت کردہ خاص اور تخیلیق قوت ہے جو قلم کی قسمت بنی ۔
نادیہ پہلے تو تم نے جس خوبصورتی سے حسین کو جاننے کی جسجتو تحریر کی ہے وہ انداز ہی اپنے اندر اپنی مثال آپ ہے۔ پاگل حسین تو لہو بن کے ہماری رگوں میں ڈورتا ہے۔ زندگی کا ایک ایک لمحہ غم حسین کیلئے ہی تو وقف ہے۔ خدا حسین کے صدقے تمہاری تحریر میں مزید نکھار پیدا کرے۔ نادیہ تمہارے لئے
نہ پوچھ میرا حسین کیا ہے
جہاں عزم وفا کا پیکر
خرد کا مرکز ، جنون کا محور
جمال زہرہ ، جلال حیدر
نہ پوچھ میرا حسین کیا ہے
حسین ڈھونڈتی رہتی ہیں چارسو آنکھیں
واجہ حسین بیا کہ من شمے راہ چاراں
شمے دید من کوراں
بیا واجہ کہ ای ظالم لشکر دنیا پہ مارا تنگ کتگ
واجہ مئے عرض گاش بدار بیا
ہائے ۔ہائے۔۔نادیہ بخاری۔۔۔کلیجہ چیرڈالاآپ نے۔۔۔۔
بہت خوبصورت دل کو چھوتی اور اتھل پتھل کرتی تحریر۔۔اللہ ذورقلم کرےاوربھی زیادہ۔۔۔۔۔حسین اوراہل بیت کے نام لیواؤں کوسلام۔۔۔۔۔
نادیہ بخاری آپ کی تلاش بجا ۔۔۔
ہم ایک کربلا کا غم آج بھی مناتے ہیں اور حسین کو یاد کرتے ہیں۔
آج بھی ہمارے اردگر د یزید موجود ہیں اور مظلوموں پر ظلم جاری ہے۔ بازاروں، سکولوں اور مسجدوں کو نشانہ بنایا جا رہا ہے ۔۔۔ اور نا حق خون بہا کر کربلا کا منظر دہرایا جا رہا ہے
نادیہ بخاری،،، جذبہ شبیر ہمارے اندر اب بھی زندہ ہے،،، حسین کے نقش قدم پر چلتے ہوئے انشاء اللہ ضرور کامیاب ہوں گے۔۔۔
حسین تیری عظمت کو سلام ۔۔
نادیہ بتول بخاری صاحبہ اور ڈاکٹر نگہت نسیم صاحبہ کی اور خاص طور پر صفدر ھمدانی صاحب کی تحریریں ماشااللہ ، جزاک اللہ ، سبحان اللہ کہنے پر مجبور کردیتی ہیں۔
اللہ ہم سب کو حسین (ع) کے عشق میں مبتلا رکھے اور حق کے لیے جان دینے کا حوصلہ دے۔
سر داد ، نہ داد دست در دستِ یزید
حقا کہ بنائے لاالہ ہست حسین
السلام علیکم
محترمہ نگہت نسیم صاحبہ ،، آپ نے فرمایا ” سبحان اللہ میں نے آج تک اتنا خوبصورت بلاگ آج تک نہیں پڑھا” مجھے یوں محسوس ہوا کہ جیسے مولا کی طرف سے منظوری ہو گئی۔ آپ ہمیشہ آباد رہیں، مولاآپ کو ما سوائے غم حسین کے علاوہ آپ کو کوئی اور غم نہ دے آمین۔
محترم صفدر ہمدانی صاحب آپ نے تو کمال کر دیا۔ ایک تو میرے بلاگ کے ساتھ لنک اٹیچ کر دیا دوسرا آپ نے تبصرے میں بھی لنک اٹیچ کر کے طبیعت راضی کر دی۔ استاد محترم آپ نے کہا کہ نادیہ قسم ہے مولا کی تم فطری قلم کار، یعنی نیچرل رائیٹر ہو۔ میں تو اس وقت سے بار بار اپنا ہاتھ اور پھر جانب آسمان دیکھتی ہوں کہ پروردگار تیرا اتنا بڑا احسان کہ مجھے اتنے عظیم استاد عطا کیے، آپ نے اپنے صاحبزادے محمد کا ذکر کیا، میرا خیال ہے کہ محمد درست فرماتے ہیں، وہ روز عاشور مولا کو پرسا دینے دنیا میں آئے ہیں اور یقیناً مولا کا الم لے کر دنیا کا راج کرنے والے ہیں انشاء اللہ۔
آپ کی نظم پر تبصرہ آپ کے بلاگ میں ہو گا، التماس دعا۔
میاں نویدصاحب خوش رہیے، آپ کی آنکھیں ہمیشہ اس غم میں بھیگتی رہیں، آمین۔
سید مرتضیٰ رضوی صاحب آپ نے سو فیصد درست فرمایا کہ حسین تو لہو بن کر ہماری رگوں میں دوڑتا ہے، آباد رہیے۔
ظفر جعفری صاحب شکریہ۔ حسین ڈھونڈتی رہتی ہیں چار سو آنکھیں۔
رخسانہ ناز داد محمد صاحبہ کافی عرصے کے بعد آپ کو بلاگ میں دیکھا، سبحان اللہ کیا خوب تحریر فرمایا آپ نے۔
محمد ناصر زیدی صاحب آپ تھوڑا لیٹ آئے لیکن کمی پوری کر دی۔ چونکہ آپ کافی طویل تبصرے کرتے ہیں ان ڈھائی سطور سے تشنگی میں مزید اضافہ ہو گیا ہے۔ میں چاہوں گی آپ اس موضوع پر مزید روشنی ڈالیں۔
جی اظہر فاروق صاحب مجھے خوشی ہے کہ آپ نے میرے اس بلاگ کو بھی پڑھا اور بہت خوبصورتی کے ساتھ آپ نے واقعے کربلا کو موجودہ حالات کے ساتھ تشبیہ دی۔ اس میں کوئی شک نہیں کہ یزید آج بھی ہمارے اردگرد موجود ہے لیکن ہر دور کا حسین ہمیشہ سے یزید پر ہاوی رہا ہے۔ خوش رہیے۔
منظور قاضی صاحب خوش آمدید۔ آپ کہاں تھے بہت شکریہ آپ نے ہمیشہ کی طرح حوصلہ افزائی فرمائی۔ میں چاہوں گی آپ بھی مزید اس موضوع پر لکھیں۔
میں کل دن سے ایک عجیب سی پریشانی میں مبتلا ہوں۔ مجھے کچھ لوگوں کے عجیب سے پیغامات موبائل فون پر موصول ہو رہے ہیں جیسے اسلامی سال کا پہلا مہینہ محرم مبارک ہو۔ محرم کی مبارک ہو، وغیرہ وغیرہ
مجھے سمجھ نہیں آتا یہ کون لوگ ہیں۔ مجھے آج بھی اس ہندو ذاکر اہل بیت کی بات اپنے بڑوں کی زبانی یاد ہے کہ جسے لوگوں نے کہا کہ تم حسین سے اتنی محبت کرتے ہو تم مسلمان کیوں نہیں ہو جاتے تو اس نے درد بھری آواز سے کہا کہ تم پہلے یہ بتاؤ کہ قاتل حسین کون تھے۔ مجھے تو ایسا لگ رہا ہے کہ جو مبارکباد دے رہے ہیں یہ انہی قاتل حسین کے گروہ میں سے ہیں۔ یہاں تک کہ آج شام مجھے پنجاب کے ایک ایم پی اے کا مبارکباد کا پیغام آیا اور میں حیران ہو گئی کہ یہ تو سیاستدان ہے اسے تو کم از کم اس بات کا خیال ہونا چاہیے کہ مبارکباد کس موقع پر دینی چاہئے۔ معذرت چاہوں گی ان صاحبان سے جن کو میری بات سخت نا گوار گزر رہی ہے لیکن اگر ٹھنڈے دل سے سوچیں تو کیا مقتولین کو مبارکباد دینا بنتی ہے۔
نادیہ آپ کا بلاگ پڑھا دل کو بہت خوشی ہوئی کہ آج بھی کوئی ہے جس کے دل میں حضرت امام حسین کے لئے اتنا پیار ہے کہ اس کو تلاش کرنے کے لئے اس کی جستجو میں اس نے بچپن میں ہی سوچنا اور کھوجنا شروع کر دیا نادیہ میں تو ایک ادنیٰ سا بندہ ہوں جس کے پاس نہ تو وہ الفاظ ہیں اور نہ ہی وہ زبان جس سے میں نواسہ رسول حضرت محمد مصطفیٰ صلی اللہ علیہ وسلم کی شان بیان کر سکوں، آپ کے بلاگ نے میرے اندر ایک تڑپ پیدا کر دی کہ آخر میرے دل میں کیوں کبھی بھی امام حسین کے بارے میں معلومات اکٹھا کرنے کی جستجو پیدا نہیں ہوئی لیکن تمھارے اس بلاگ کو پڑھنے کے بعد میرے دل کی آواز آئی کہ میں بھی حسین کے بارے میں اپنے دل کے جذبات کو قلمبند کروں لہذا اس موقع پر میں تمھارا شکریہ ادا کرنا چاہوں گا کہ تم نے مجھے بھی حسین کو تلاش کرنے کی ایک نئی راہ دکھائی ۔ اللہ تمھیں اسی طرح لکھنے کی توفیق عطا فرمائے۔ ( آمین )
بھائی محمد افضال. ماشااللہ. عشق حسین کے شجر سایہ دارکا بیج تو ایسے ایسے صحرا میں بھی پروان چڑھتا ہے جہاں نہ پانی ہے اور نہ ہی ٹھنڈی ہوا.لیکن آپ جیسے عاشقان رسول کا دل تو مکہ مدینہ ہے. اللہ کے حبیب کی کیسی دعا ہے کہ …..حضرت یعلیٰ بن مرہ رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا حسین مجھ سے ہے اور میں حسین سے ہوں۔ اللہ اس سے محبت فرمائے جو حسین سے محبت کرے،
جامع ترمذی کی کتاب المناقب باب مناقب الحسن والحسین، حدیث نمبر 3708 ہے ”حضرت یعلیٰ بن مرہ رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا حسین مجھ سے ہے اور میں حسین سے ہوں۔ اللہ اس سے محبت فرمائے جو حسین سے محبت کرے
محدث ابو ھریرہ نے بھی اس حقیقت کا اعتراف کرتا ھے کہ رسول خدا (ص)کو دیکھا کہ اپنے دوش پر امام حسن(ع)اور امام حسین(ع) کو سوار کئے ھماری جانب چلے آرھے ھیں، جب ھمارے نزدیک پھنچے تو یوں فرمایا : جس نے بھی میرے ان دو فرزندوں سے محبت کی اس نے مجھ سے محبت کی جس نے ان سے دشمنی کی گویا اس نے مجھ سے دشمنی کی، پیغمبر اسلام (ص)اور امام حسین(ع) کے درمیان انس اور محبت کی گھرائی اور سچائی کو جاننے کے لئے شاید پیغمبر اسلام (ص) کا یہ ایک جملہ کافی ھو گا ” حسین مجھ سے ھے اور میں حسین سے ھوں “۔
آہ نادیہ صاحبہ حسین کس کے نہیں ہیں؟ کون بد بخت ہو گا، جو حسین سے بغض رکھے گا؟ اگر کسی کا عقیدہ ہے کہ عیسا (عیسی) صولی چڑھے، تو حسین اس کا بھی ہے (یہ بات میں مذاہب ہے اختلاف کو بالائے طاق رکھ کر کر رہا ہوں).اگر کسی نے چشم- تخیل میں ابراھیم کو نمرود کی آگ میں کودتے دیکھا، حسین اس کے بھی ہیں، اگر اسماعیل کا ذاکر ہے تو حسین اس کے بھی ہیں.
اگر کوئی امام شامل کی حریت کا معتقد ہے تو حسین اس کے بھی ہیں، سیدی عمرمختار، کی قربانیاں بھی حسینیت ہیں، بدر والوں کے حیسن، احد والوں کے حسین، قرطبہ میں اگر کو موسا (موسی) ابو عبداللہ اور فرڈینینڈ کے خلاف سینہ سپر ہے، تو اس کے بھی حسین.
وکلا تحریک میں عصمت در خواتین کے، زخمی ہوتے، گرتے پڑتے وکلا کے حسین.
ہر یذید-وقت کے خلاف ہر خیمہ جلے کے حسین.
میرا دل، جان، اولاد مال، سب کچھ ان پر فدا.
کربلا درس اور فلسفہء انسانیت ہے۔
ایک مکتبہء فکر نے حضرت امام حسین کی مظلومیت پر زور دیا تو دوسرے نے کردار پر۔ دونوں کی آمیزش نے فکر و فلسفہء حیات و انسانیت کو عرشِ معلٰٰی پر پہنچا دیا۔
قتلِ حسین اصل میں مرگِ یذید ہے اسلام زندہ ہوتا ہے ہر کربلا کے بعد
انیس، دبیر اور جوش مرثیہ کے تین ستون ہیں۔ دبیر کے مرثیوں کی تعداد پانچ سو سے چھ سو تک ہے اور انکا محور تاریخ ہے۔ انیس کے مرثیوں کی تعداد تین سو تیرہ ہے۔ انیس کے مرثیوں میں مدح اہلِ بیت، تغزل، رزم ،مصوری اور مصائب ہیں۔ تغزل کی ایک مثال یہ شعر ہے جسمیں امام حسین کی تلوار کا ذکر اس طرح ہے
آئ پستی میں تو پانی میں روانی کی طرح
واں سے پلٹی تو ذلیخا کی جوانی کی طرح
جوش کے مرثیوں کی تعداد صرف بارہ سے چودہ تک ہے۔ سو سال سے مرثیہ گو انیس کے رنگ میں مرثئے کہ رہے تھے اور
آج بھی انیس کے اور انیس کے سے مرثئے مجالسِ عزاء کی زینت بنے ہوئے ہیں۔ لیکن جوش نے مرثیہ کا رخ یکسر بدل دیا اور ان میں کردار اور عزمِ حسین کو انسانیت اور انقلاب کا محور بنایا یے۔ رنگ، نسل، قومیت، فرقہ واریت، مذہب اور ہرقسم کے تعصب کے خلاف پیغام ہے۔ امن، پیار محبت،بھائ چارے اور درگذر کا پیغام ہے، انفرادی اور ملی ذمہ داریوں کا درس ہے۔
حصولِِ علم کا درس ہے، جابرکے خلاف انقلاب کا پیغام ہے۔ اسطرح جوش نے جدید مرثیہ کی بنیاد رکھی اور مرثیہ کو
مجا لسِ عزاء تک محدود رہنے کے بجائے ہماری، اجتماعی اور ملی زندگی کیلئے درسگاہ اور مشعلِ راہ بنادیا۔ جوش ملیح آبادی کا یہ کمال ہے کہ غزل ہو یا نظم، حمدو ثناء ہو یا نعت، قصائد ہوں یا منقبت، رباعی ہو یا مرثیہ وہ ہر میدان میں شاعری کی معراج پر نظر آتے ہیں اور الفاط و مضامین اُنکے سامنے ہاتھ جوڑے ہوئے کھڑے نظر آتے ہیں
جب تک کھڑے ہیں شیش محل اس زمین پر کھیتوں میں پتھروں کو اُگاتے رہیں گے ہم
تو بات مرثیہ کی ہورہی تھی۔ جوش کے مرثیوں کے بند اس بلاگ میں احباب نے پیش کئے اور آنے والے دنوں میں مزید کلام پیش کیا جائے گا۔ اب مرثیہ نگار بڑی تیزی سے تقلیدِ جوش میں جدید مرثیہ کی طرف گامزن ہیں۔ اوپر پیش کی گئ سردار جعفری اور مصطفٰٰٰے زیدی کی نظمیں بھی تقلیدِ جوش ہیں۔ اس کے علاوہ جوش اردو زبان کے بیسویں صدی کے مجدّد ہیں جیسے اٹھارویں صدی کے میر اور انیسویں صدی کے انیس اور ذوق اردو زبان کے مجدّد ہیں۔ اسکا فائدہ پھی جدید مرثیہ کو ہوا ہے۔
منظور قاضی صاحب مندرجہء ذیل تبصرہ ایک بلاگ میں کیا ہے جو ہمارے جو ہمارے جذبات کی مکمل ترجمانی کرتا ہے اور اس بلاگ سے مطابقت رکھتا ہے۔ اسلئے میں اسے یہاں چسپاں کررہا ہے۔
ٰٰٰ ٰٰٰٰٰٰٰمیں کل دن سے ایک عجیب سی پریشانی میں مبتلا ہوں۔ مجھے کچھ لوگوں کے عجیب سے پیغامات موبائل فون پر موصول ہو رہے ہیں جیسے اسلامی سال کا پہلا مہینہ محرم مبارک ہو۔ محرم کی مبارک ہو، وغیرہ وغیرہ
مجھے سمجھ نہیں آتا یہ کون لوگ ہیں۔ مجھے آج بھی اس ہندو ذاکر اہل بیت کی بات اپنے بڑوں کی زبانی یاد ہے کہ جسے لوگوں نے کہا کہ تم حسین سے اتنی محبت کرتے ہو تم مسلمان کیوں نہیں ہو جاتے تو اس نے درد بھری آواز سے کہا کہ تم پہلے یہ بتاؤ کہ قاتل حسین کون تھے۔ مجھے تو ایسا لگ رہا ہے کہ جو مبارکباد دے رہے ہیں یہ انہی قاتل حسین کے گروہ میں سے ہیں۔ یہاں تک کہ آج شام مجھے پنجاب کے ایک ایم پی اے کا مبارکباد کا پیغام آیا اور میں حیران ہو گئی کہ یہ تو سیاستدان ہے اسے تو کم از کم اس بات کا خیال ہونا چاہیے کہ مبارکباد کس موقع پر دینی چاہئے۔ معذرت چاہوں گی ان صاحبان سے جن کو میری بات سخت نا گوار گزر رہی ہے لیکن اگر ٹھنڈے دل سے سوچیں تو کیا مقتولین کو مبارکباد دینا بنتی ہے۔ٰٰٰ ٰٰٰٰٰٰٰ
تصحیح :
تمام قارئین اورخاص طور پر ظفر جعفری صاحب کی اطلاع کے لیے عرض ہے کہ مندرجہ ذیل تحریر محترمہ نادیہ بتول بخاری صاحبہ کی ہے میری نہیں ۔ :
“ میں کل دن سے ایک عجیب سی پریشانی میں مبتلا ہوں۔ مجھے کچھ لوگوں کے عجیب سے پیغامات موبائل فون پر موصول ہو رہے ہیں جیسے اسلامی سال کا پہلا مہینہ محرم مبارک ہو۔ محرم کی مبارک ہو، وغیرہ وغیرہ
مجھے سمجھ نہیں آتا یہ کون لوگ ہیں۔ مجھے آج بھی اس ہندو ذاکر اہل بیت کی بات اپنے بڑوں کی زبانی یاد ہے کہ جسے لوگوں نے کہا کہتم حسین سے اتنی محبت کرتے ہو تم مسلمان کیوں نہیں ہو جاتے تو اس نے درد بھری آواز سے کہا کہ تم پہلے یہ بتاؤ کہ قاتل حسین کون تھے۔ مجھے تو ایسا لگ رہا ہے کہ جو مبارکباد دے رہے ہیں یہ انہی قاتل حسین کے گروہ میں سے ہیں۔ یہاں تک کہ آج شام مجھے پنجاب کے ایک ایم پی اے کا مبارکباد کا پیغام آیا اور میں حیران ہو گئی کہ یہ تو سیاستدان ہے اسے تو کم از کم اس بات کا خیال ہونا چاہیے کہ مبارکباد کس موقع پر دینی چاہئے۔ معذرت چاہوں گی ان صاحبان سے جن کو میری بات سخت نا گوار گزر رہی ہے لیکن اگر ٹھنڈے دل سے سوچیں تو کیا مقتولین کو مبارکباد دینا بنتی ہے۔“
۔۔۔۔۔۔
یہ بھی کہتا چلوں کہ میں اس موضوع پر نادیہ علی بتول بخاری صاحبہ کا ہم خیال ہوں ۔
فقط:
منظور قاضی از جرمنی
سلام یا حسین
پیاری نادیہ بخاری سدا سلامت رھو ۔ تم نے 4 سال کی معصوم عمر میں حسین علیہ اسلام کی جستجو کی تھی یہ حسین علیہ اسلام محبت کا اعجاز عقیدت ھی ھے جس نے تم سے یہ زندہ تحریرلکھو کر کتابی شکل میں محفوظ کروالی اور میری دلی دعا دے کہ حسین علیہ اسلام کی جستجو تم سے ایک نیہن درجنوں کتاب لکھوایئگی انشا اللہ ۔۔ ھاں تم ٹھیک کہتی ھوں یکم محرم پر مبارکباد کے پیغام اس سال کی روایت ھے یہ کتنے عجیب لوگ ھین جو آل رسول کی ھری بھری بستی آجڑنے پرمبارک باد دے رھے ھیں ۔۔آو مل کر دعا کریں کہ یہ غم کا مہنہ ھے اس مین ھم صرف غم شبیر منایئں ۔۔ھمارے میں امن و امان رھے
پا کستان میں امن و امان رھے آ مین
محمد افضال آپ نے کہا آپ کے بلاگ نے میرے اندر ایک تڑپ پیدا کر دی کہ آخر میرے دل میں کیوں کبھی بھی امام حسین کے بارے میں معلومات اکٹھا کرنے کی جستجو پیدا نہیں ہوئی لیکن تمھارے اس بلاگ کو پڑھنے کے بعد میرے دل کی آواز آئی کہ میں بھی حسین کے بارے میں اپنے دل کے جذبات کو قلمبند کروں لہذا اس موقع پر میں تمھارا شکریہ ادا کرنا چاہوں گا کہ تم نے مجھے بھی حسین کو تلاش کرنے کی ایک نئی راہ دکھائی ۔ ا ر ے اپ تو خوش قسمت ھین اپ کو محترم صفدر ہمدانی صاحب نے خوش امدید کہا ھم سب اپ کو خوش امدید کھتے ھین
وحید اختر واحدصاحب اپ نے درست فرمایا وۃ بد بخت ہو گا، جو حسین سے بغض رکھے گا ا با د رھین اپ
ظفر جعفری صاحب اپ کےتبصرے سے بھت متا ثر ھوئی اللہ اجر دے
منظور قاضی صاحب شکریا اپ نے میری بات سے اتفاق کیا
سہیل امداد حسین صاحب مولا اپ پر کرم کرین
شاھین رضوی صاحبہ کہاں ھیں اپ ۔۔۔۔۔اپ نے بات کی 4 سال کی معصوم عمر میں حسین علیہ اسلام کی جستجو کی تھی
میرا خیال ھے شا ئد اس سے بھی پہلے ،۔۔۔۔۔۔۔۔۔۔۔۔۔۔۔۔۔۔۔۔
پیاری نادیہ بخاری سلامت رھو۔ تم ٹھیک کہتی ھوں الفت اھل بیت تو رگوں میں لہو کی طرح گردش کرتی ھے۔ زندگی سے پہلے اور موت کے بعد بھی ،
اقبال کہتاہے :
جنھیں میں ڈحونڈتا تھا آسمانوں میں زمینوں میں
وہ نکلے میرے ظلمت خانہ ء دل کے مکینوں میں
۔۔۔۔
حسین (ع) کو دنیا بھر میں ڈھونڈنے کی ضرورت نہیں ،وہ ہم سب کے دل کے مکین ہیں ۔
حقا کہ بِنائے لا الہ است حسین ( ع)
سلام
ذکرِ حسین ابنِ علی جب بھی آگیا
ارض وسماں نے سر کو ادب سے جھکا دیا
قرآں میں ہے یہ صاف کہ مرتا نہیں شہید
اس کا حسین آپ نے مطلب بتادیا
مطلب رسولِ پاک کا میں ہوں حسین سے
کرب وبلانے سارے جہاں کو بتادیا
ایمانِ کُل* کی شان ہے کُل ہستئ حسین
ایماں کی بات آئ تو سر کو بڑھا دیا
قصرِ یزیدیت کو گراکر ہی دم لیا
اپنے لہو سے خون کا دریا بہا دیا
بچوں کا پیٹ بھرنے کو کرتے ہیں جرم لوگ
لیکن حسین آپ نے کنبہ لٹا دیا
کوئ اُصول پر یوں مرا ہے تو بس حسین
انساں تجھے خدا کی نظر میں بڑھا دیا
سب سے بڑا خدا کا یہ احسان ہے ظفر
اُس نے حسین کو مرا مولا بنادیا
*جنگِ خندق
ظفرجعفری صاحب کا یہ شعر ترمیم طلب ہے :
بچوں کا پیٹ بھرنے کو کرتےہیں جرم لوگ
لیکن حسین ( ع) آپ نے کنبہ لٹادیا
۔۔۔۔۔۔۔
حسین ( ع) نے کنبہ اپنے بچوں کے پیٹ بھرنے کے لیے نہیں بلکہ حق کی باطل پر فتح کے لیے لٹایا تھا۔
مزید معلومات کے لیے گذشتہ سال کے عالمی اخبار کے شمارے تبصرے پڑھیے ۔
۔۔۔۔
ظفر جعفری صاحب کے سلام کے بقیہ اشعار انتہائی موثر ہیں۔ جزاک اللہ
۔۔۔
خیر اندیش :
منظور قاضی از جرمنی
ٰٰٰٰٰ ٰٰٰٰٰحسین ( ع) نے کنبہ اپنے بچوں کے پیٹ بھرنے کے لیے نہیں بلکہ حق کی باطل پر فتح کے لیے لٹایا تھا۔ٰٰٰٰٰ ٰٰٰٰٰ
میں اس بات سے سو فیصد متفق ہوں
ظفر جعفری صاحب نے میری بات سے اتفاق کیا : شکریہ
اس لیے انکا یہ مصرعہ یوں تبدیل کیا جاسکتا ہے کہ :
حق کی ظفر کے واسطے کرتے ہیں جنگ لوگ
لیکن حسین( ع ) آپ نے کنبہ لٹادیا
۔۔۔
حق کی فتح کے واسطے کرتےہیں جنگ لوگ ، بھی کہ سکتے ہیں
مگر حق کی ظَفَر کہنے سے یہ شعر اس نظم کا مقطع ثانی بھی بن سکتا ہے ۔
بہرحال :
منظور قاضی از جرمنی
Jab qata ki masafat e shab aaftaab ne
Jalwa kiya sahar ke rukhe behijaab ne
Dekha suwe falaq Shahe gardoon rakaab ne
Mudh kar sada rafeeqo ko di us janaab ne
Aakhir hai raat hamd o sanaye Khuda karo
Utho fareezaye sahri ko ada karo
Haan ghaaziyon ye din hai jidaal o qitaal ka
Yaan khoon bahega aaj Mohammad ki aal ka
Chehra khushi se surkh hai Zahra ke laal ka
Guzri shabe firaaq din aaya visaal ka
Hum wo hain gham karenge malak jin ke waastey
Raatein tadap ke kaati hai is din ke waastey
Ye sunke bistaron se uthe wo Khuda shinaas
Ek ek ne zebe jism kiya fakhira libaas
Shane muhasino mein kiye sab ne be hiraas
Baandhe amame aaye imame zaman ke paas
Rangeen abaayein dosh pe kamre kasey huwe
Muskh o zibaad o itr mein kapde basey huwe
Khaime se nikle Shay ke azeezaane khush khisaal
Jin mein kayi thay Hazrate Khairun nisa ke laal
Qasim sa gul badan Ali Akbar sa khush jamaal
Ek jaa Aqeel o Muslim o Jafar ke nau nihaal
Sab ke rukhon ka noor sipahre bareen pa tha
Athara aaftaabon ka ghuncha zameen pa tha
Nagaah charkh par khate abyaz huwa ayaan
Tashreef jaanemaaz pe laaye Shahe zamaan
Sajjade bich gaye aqabe Shahe ins o jaan
Saute Hasan se Akbar e Mahrooh ne di azaan
Har ek ki chashm aansuon se dab daba gayi
Goya sada Rasool ki kaano mein aagayi
Namoose Shaah rotey thay khaime mein zaar zaar
Chupke khadi thi sahn mein bano e naamdaar
Zainab balayein leke ye kahti thi baar baar
Sadqe namaziyoon ke muazzin ke main nisaar
Karte hain yoon sana o sifat Zul Jalaal ki
Logon azaan suno meri yousuf jamaal ki
Ye husn e saut aur ye qirat ye shad o madd
Haqqa ke afsahul fusuha thay inhi ke jadd
Goya hai lahn e Hazrat e Dawoode ba khiradd
Ya Rabb rakh is sada ko zamane mein taa abadd
Shu’be sada mein pankhadiyaan jaise phool mein
Bul bul chahak raha hai riyaaz e Rasool mein
Saf mein huwa jo naraye qad qaamatis salaat
Qaim huwi namaaz uthey Shahe qainaat
Wo noor ki safein wo musalli falak sifaat
Sardaar ke qadam ke taley thi rahe nijaat
Jalwa tha ta ba arshe mu’alla Hussain ka
Mus haf ki lauh thi ke musalla Hussain ka
Quraan khula huwa ke jama’at ki thi namaaz
Bismillah aagey jaise ho yoon thay Shahe hijaaz
Satrein thi ya safein aqab e Shahe sarfaraaz
Karti thi khud namaaz bhi inki adaa pe naaz
Sadqe sahar bayaaz pe bainas sutoor ki
Sab aayatein thi mus hafe naatikh ki noor ki
Dunya se uth gaya wo qayaam aur wo qaood
Inke liye thi bandagi wajibul wujood
Wo ajz wo taweel ruku aur wo sujood
Ta’at mein neest jaantey thay apni hast o bood
Taqat na chalne phirne ki thi haath paon mein
Gir gir ke sajde karte thay taghoon ki chaon mein
Farigh huwe namaaz se jab qibla o anaam
Aaye musafahe ko jawaanan e tashnakaam
Chume kise ne dast e Shahinshaah e khaas o aam
Aakhein miley kisi ne qadam par ba ehteraam
Kya dil thay kya sipaah e rasheed o sayeed thi
Ba ham mu’anaqe thay ke marne ki eid thi
Zaari thi ilteja thi munajaat thi idhar
Waan sar kashi o zulm o ta’addi o shor o shar
Kahta tha ibne saad ye jaa jaa ke nahr par
Ghatoon se hoshiyaar tarayi se ba khabar
Do roz se hai tashna dahani Hussain ko
Haan martey dam bhi deejiyo na pani Hussain ko
Baithey thay jaanemaaz pe Shahe falak sareer
Nagaah qareeb aake girey teen chaar teer
Dekha har ek ne mudhke suwe lashkar e kaseer
Abbas uthey tol ke shamsheer be nazeer
Parwane thay siraaj e imamat ke noor par
Rokey sipar huzoor karamat zahoor par
Akbar se mudhke kahne lage Sarware zamaan
Baandhe hai sarkashi pa kamar lashkare giraan
Tum jaake kahdo khaime mein ye ay pidar ki jaan
Bachon ko leke sahn se hatt jaaye bibiyaan
Ghaflat mein teer se koi bacha talaf na ho
Darr hai mujhe ke gardane Asghar hadaf na ho
Kahte thay ye pisar se Shahe aasmaan sareer
Fizza pukari deordhi se ay khalq ke ameer
Hai hai Ali ki betiyaan kis jaa ho goshgeer
Asghar ke gahware tak aakar girey hain teer
Garmi se saari raat ye ghut ghut ke roye hain
Bachey abhi tou sard hawa paake soye hain
Baqir kahin parha hai Sakina kahin hai ghash
Garmi ki fasl ye tab o taab aur ye atash
Ro ro ke sogaye hain sagheerane maahwash
Bachon ko leke yaan se kahan jaaye faqa kash
Ye kis khata pe teer piya pe barastey hain
Thandi hawa ke waastey bachey tarastey hain
Uthey ye shor sunke Imame falaq viqaar
Deordhi tak aaye dhaloon ko roke rafiq o yaar
Farmaya mudhke chaltey hain ab bahre kaarzaar
Kamre kasoo jihaad pe mangwao raahwaar
Dekhein fizaa behisht ki dil baagh baagh ho
Ummat ke kaam se kahin jaldi firaagh ho
Khaime mein jaake Shay ne ye dekha haram ka haal
Chahre tou faqq hai aur…
Zainab ki ye dua thi ke ay Rabbe Zuljalaal
Bach jaaye is fasaad se khairun nisa ka laal
Bano e naik naam ki khaiti hari rahey
Sanndal se maang bachon se godhi bhari rahey
Boley qareeb jaake Shahe aasmaan janaab
Muztar na ho dua’en hain tum sab ki mustajaab
Maghroor hain khata pe ye sab khanuma kharaab
Khud jaake mein dikhata hoon inko rahe sawaab
Mauqa nahi bahan abhi faryaad o aah ka
Laao tabarrukaat Risaalat panaah ka
Meraaj mei Rasool ne pahna tha jo libaas
Kashti mein laayi Zainab usey Shahe deen ke paas
Sar par rakha amamae Sardare haq shinaas
Pahni qabaye paak Rasoole falaq asaas
Bar mei durust o chust tha jama Rasool ka
Rumaal Fatima ka amama Rasool ka
Kapdoon se aarahi thi Rasoole zaman ki bu
Dulha ne sunghi hogi na aisi dulhan ki bu
Hyder ki Fatima ki Hussain o Hasan ki bu
Pheli huwi thi chaar taraf Panjetan ki bu
Lut ta tha itr waadi ambar sarisht mein
Gul jhumtey thay baagh mein Rizwaan behisht mein
Poshaak sab pahan chukey jis dam Shahe zaman
Lekar balaein bhai ki ronay lagi bahan
Kehti thi hai aaj nahi Hyder o Hasan
Amma kahan se laye tumhe ab ye be watan
Rukhsat hai ab Rasool ke yusuf jamaal ki
Sadqe gayi balein tou lo apne laal ki
Hathyaar idhar laga chuke Moula e khaas o aam
Tayyar udhar huwa alam e Sayyide anaam
Duaaein maangti gird thi saidaniyaan tamaam
Roti thi thaamey chobe alam khwahare imaam
Teghein kamar mei dosh pe shamley padey huwe
Zainab ke laal zere alam aa khade huwe
Gah maa ko dekhte thay kabhi jaanibe alam
Na’ra kabhi ye tha ke nisaar e Shahe umam
Karte thay dono bhai kabhi mashware baham
Aahista poochtey kabhi ma se wo zee hasham
Kya qasd hai Alliye wali ke nishaan ka
Amma kise milega alam nana jaan ka
In nanhe nanhe haathon se uthega ye alam
Chotey qadoon mein sabse sinoo mein sabho se kam
Nikle tanoo se sibte Nabi ke qadam pe dam
Ohda yahi hai bas yahi mansab yahi hasham
Rukhsat talab agar ho tou ye mera kaam hai
Maa sadqe jaaye aaj tou marne mein naam hai
Phir tum ko kya buzurg thay jo fakhre roz gaar
Zeba nahi hai wasf e izafi pe iftekhaar
Johar wo hai jo taegh karey aap aashkaar
Dikhlado aaj Hyder o Jafar ki kaarzaar
Tum kyon kaho ke laal Khuda ke wali ke hain
Faujein pukare khud ke nawase Ali ka hain
Ab jisko tum kaho usey dein fouj ka alam
Ki arz jo salaah Shahe aasmaan hasham
Farmaya jabse uthgayi Zahra e ba karam
Us din se tumko maa ki jagah jaantey hain hum
Malik ho tum buzurg koi ho ke khurd ho
Jisko kaho usiko ye ohda sipard ho
Boli bahan ke aap bhi tou lein kisi ka naam
Hai kis taraf tawajjo e Sardar o khaas o aam
Gar mujhse poochtay hain Shahe aasmaan maqaam
Quran ke baad hai tou Ali hi ka kuch kalaam
Shaukat mein qadd mein shaan mein humsar nahi koi
Abbas e naamdaar se behtar nahi koi
Aashiq ghulaam khadim e dereena jaan nisaar
Farzand bhai zeenate pehlu wafa shi’aar
Jarrar yaadgaar e pidar fakhre rozgaar
Rahat rasaa mutee o namudaar o naamdaar
Safdar hai sher dil hai bahadur hai naik hai
Bemisl saekdon mein hazaroon mein aik hai
Aakhon mein ashk bhar ke ye boley Shahe zaman
Haan thi yahi Ali ki wasiyyat bhi ay bahan
Acha bulayein aap kidhar hai wo saff shikan
Akbar chacha ke paas gaye sunke ye sukhan
Ki arz intezaar hai Shahe ghuyoor ko
Chaliye phuphi ne yaad kiya hai huzoor ko
Abbas aaye haathon ko jordhe huzoor e Shaah
Jao bahan ke paas ye bola wo deen panaah
Zainab wahin alam liye aayi ba izzo jaah
Boley nishaan ko leke Shahe arsh baargaah
Inki khushi wo hai jo riza Panjetan ki hai
Lo bhai lo alam ye inayat bahan ki hai
Munh karke suwe qabre Ali phir kiya khitaab
Zarre ko aaj kardiya Moula ne aaftaab
Ye arz khaaksaar ki hai Ya Abu Turaab
Aaqa ke aagey hoon mein shadath se bahre yaab
Sar tan se ibne Fatima ke ru baru girey
Shabbir ke paseene pe mera lahu girey
Ye sunke aayi zaojaye Abbas e naamwar
Shohar ki simpt pehle kinkhiyoon se ki nazar
Lee sibte Mustafa ki balayein ba chashme tar
Zainab ke gird phirke ye boli wo nauhagar
Faiz aap ka hai aur tasadduq Imaam ka
Izzat badi kaneez ki rutba ghulaam ka
Sar ko laga ke chathi se Zainab ne ye kaha
Tu apni maang kookh se thandi rakhe sada
Ki arz mujhse laakh kaneezein hoon tou fida
Bano e naamwar ko suhaagan rakhe Khuda
Bachey jiye taraqqiy e iqbal o jaah ho
Saaye mein aap ke Ali Akbar ka byaah ho
Naagaah aakey bali Sakina ne ye kaha
Kaisa hai ye hujoom kidhar hai mere chacha
Ohda alam ka unko mubarak karey Khuda
Logoon mujhe balayein tou lene do ek zara
Shaukat Khuda badhaye mere ammu jaan ki
Mein bhi tou dekhoon shaan Ali ke nishaan ki
Abbas muskura ke pukarey ka aao aao
Ammu nisaar pyaas se kya haal hai batao
Boli lipat ke wo ke meri mashq lete jaao
Ab tou alam mila tumhein pani mujhe pilaao
Tohfa na koi deejiye na in’aam deejiye
Qurbaan jaaon pani ka ek jaam deejiye
Nagaah badhey alam liye Abbas e ba wafa
dauRe sab Ahle Bayt khule sAr, barahna pa
Hazrat ne haath utha ke ye ik eik se kaha
Lo Alwida ay haram e paak e Mustafa
Subhe shab e firaaq hai pyaaron ko dekh lo
Sab mil ki doobte huwe taaron ko dekh lo
Shay ke qadam pe Zainab e zaar o hazeen giri
Bano pachaad kha ke pisar ke kareen giri
Kulsoom thar thara ke baruhe zameen giri
Baqir kahin gira tou Sakina kaheen giri
Ujda chaman har ek gul taza nikal gaya
Nikla alam ke ghar se janaza nikal gaya
Nagaah udhar se teer chale janibe Imaam
Ghoda bada ke aap ne hujjat bhi ki tamaam
Nikle idhar se Shay ke rafiqaan e tashnakaam
Be sar huwe paroon mein saraan e sipaah e shaam
Bala kabhi thi taegh kabhi zer e tang thi
Ek ek ki jang maalik e ashtar ki jang thi
Allah re Ali ke nawasoon ki kaarzaar
Dono ke nichey thay ke chalti thi zulfiqaar
Shana kata kisi ne jo roka sipar pe waar
Ginti thi zakhmiyoon ki na kishtoon ka tha shumaar
Utney sawaar qatl kiye thodi daer mein
Dono ke ghodey chup gaye laasho ke dhaer mein
Kis husn se Hasan ka jawane haseen lada
Ghir ghir ke surate asad e khushmgeen lada
Do din ki bhook pyaas mein wo mahjabeen lada
Sahra ulat ke yoon koi dulha nahi lada
Hamle dikha diye asad e kirdgaar ke
Maqtal mein sooye arzak e shaami ko maar ke
Chamki jo taegh Hazrate Abbas e arsh jaah
Roohul ameen pukarey ke Allah ki panaah
Dhaloon mein chup gaya pisar e saad ru siyaah
Kushtoon se band ho gayi aman o amaan ki raah
Jhapta jo sher shoakh mein darya ki saer ke
Le li tarayi taeghon ki moujoon ko phaer ke
Be sar huwe muwakkil e sar chashma e furaat
Hal chal mein misl e mouj safoon ko na tha sabaat
Darya mein girke fout huwe kitne bad sifaat
Goya habaab hogaye thay nuqta e hayaat
Abbas bhar ke mashk ko yoon tashnalab laday
Jis tarah naharwaan mein ameer e arab laday
Aafat thi harb o zarb e Ali Akbar e diler
Ghusse mein jhapte ser pe jaise garsina sher
Sab sar buland past zabardast sab thay zer
Jangal mein chaar simpt huwe zakhmiyoon ke dher
Siraan ke utre tan se jo thay rann chadhey huwe
Abbas se bhi jang mein kuch thay badhey huwe
Talwaarein barsi subh se nusfun nihaar tak
Hilti rahi zameen laraztey rahey falak
Kaampa kiye paroon ko simte huwe malak
Na’rey na phir wo thay na wo taeghon ki thi chamak
Dhaalon ka daur barchiyoon ka auj ho gaya
Hangaam e zuhr khatema e fauj ho gaya
Lashe sabho ke sibte Nabi khud uthake laye
Qatil kisi shaheed ka sar kaatne na paye
Dushman ko bhi na dost ki furqat Khuda dikhaye
Farmatey thay bichad gaye sab hum se hai haye
Itney pahaad gir padey jis par wo kham na ho
Gar sou baras jiyoon tou ye majma baham na ho
Kham hogaye ye daagh uthake Imame deen
Jhuk kar bana hilaal e Nabi ka mahe jabeen
Yoon dard mein tadap ke kiya nalaye hazeen
Hilne lage pahaad larazne lagi zameen
Aayi jigar ko taab na is waaredaat ki
Khushki mein lagi doobne kashti hayaat ki
Jab saff kashi ki dhoom huwi qatl gaah mein
Tasweer e marg phir gayi sab ki nigaah mein
Doobe rafiq e yusuf e deen haq ki chaah mein
Daftar khula ajal ka Hussaini sipaah mein
Jaanbaaziyaan dikhake jari naam kar gaye
Khaake shifa pa noor ke daane bikhar gaye
Jis waqt aamad aamade saif e Khuda huwi
Hal chal padi har ek ke dar pe qaza huwi
Nabood zindagi huwi hasti fana huwi
Himmat dilon ke jism se quwwat juda huwi
Labrez hokey umr ke saaghar chhalak gaye
Kaampi zameen pahaad jagah se sarak gaye
Maidaan mein jab riyaaze Hussaini khizaan huwa
Dunya se kaarwaan Shahe deen ka rawaan huwa
Darya e khoon mein gharq har ek naujawaan huwa
Hamshakle Mustafa bhi shaheedey sinaan huwa
Rotey thay Shaah lasho mein tanha khade huwe
Thay khaak par kaleje ke tukde padey huwe
Garmi ka roz jang ki kyon kar karoon bayaan
Darr hai ke misl e shama na jalne lage zabaan
Wo loo ke al hazar wo hararath ke al amaan
Rann ki zameen tou surkh thi aur zard aasmaan
Aab e khunukh ko khalq tarasti thi khaak par
Goya hawa se aag barasti thi khaak par
Wo loo wo aaftaab ki hiddat wo taab o tab
Kala tha rang dhoop se din ka misaal e shab
Khud nahr e alqama ke bhi sukhey huwe thay lab
Khaime jo thay hibaabon ke tap te thay sab ke sab
Udhti thi khaak khushk tha chashma hayaat ka
Khoula huwa tha dhoop se pani furaat ka
Jheelon se chaar paaye na uthte thay taaba shaam
Maskan mein machliyoon ke samandar ka tha maqaam
Aahu jo kahile thay tou cheetey siyaah faam
Patthar bhi sab pigal gaye thay misl e moum khaam
Surkhi udhi thi phoolon se sabzi gayaah se
Pani kuwein mein utra tha saaye ki chaah se
koson kisi shajar mein na gul thhe na barg o baar
ek ek nakhal jal rahaa thaa suurat e chinaar
hanstaa thaa koi gul na lahakataa thaa sabzaraar
kaantaa hui thi suukh ke har shaakh e baar daar
garmi ye thi ki zeest se dil sab ke sard thhe
patte bhi masle e cheharaa e madquuq zard thhe
girdaab par thaa shola e javaalaa kaa gumaan
angaare thhe habaab to paani sharar fishaan
muunh se nikal parhi thi har ek mauj ki zabaan
tah par thhe sab nihang magar thi labon pe jaan
paani tha aag garmi e roz hisaab thi
maahi jo seekh e mauj tak aayi kabaab thi
aainaa e falak ko na thi taab o tab ki taab
chhipane ko barq chaahati thi daaman e sahaab
sab ke sivaa thaa garm mizaajon ko iztiraab
kaafuur e subah Dhuundhtaa phirtaa thaa aaftaab
bhadaki thi aag gumbad e charkh e asiir mein
baadal chhipe thhe sab kurrah e zamharir mein
Sher uthte thay na dhoop ke maarey kachaad se
Aahu na munh nikaalte thay sabz zaar se
Aaina mahr ka tha mukaddar ghubaar se
Gardoon ko tapp chadi thi zameen ke bukhaar se
Garmi se muztarib tha zamana zameen par
Bhun jata tha jo girta tha dana zameen par
Aabe rawaan se munh na uthate thay jaanwar
Jangal mein cheetey phirtey thay ta’ir idhar udhar
Mardam thay saath pardon ke andar araq mein tar
Jis khana e mizaa se nikalti na thi nazar
Gar chashm se nikal ke tahar jaaye raah mein
PaRh jaaye laakh aabley paaye nigaah mein
Is dhoop mein khade thay akayle Shahe umam
Na daaman e Rasool tha na saaya e alam
Oudi thi lab zabaan mein kaante kamar mein kham
Sholay jigar se aah ke uthti thi dam badam
Be aab teesra tha jo din mehmaan ko
Hoti thi baat baat mein miknat zabaan ko
Kahta tha ibne saad ke ay aasmaan janaab
Bayyat jo keejiye ab bhi tou hAazir hai jaame aab
Farmatey thay Hussain ke ay khanuma kharaab
Darya ko khaak jaanta hai ibne Bu Turaab
Faasiq hai paas kuch tujhe Islaam ka nahi
Aab e taba ho ye tou mere kaam ka nahi
Garjum ka naam loon tou abhi jaam leke aaye
Kausar yaheen Rasool ka ehkaam leke aaye
Roohul ameen zameen pa mera naam leke aaye
Lashkar malak ka fatah ka paighaam leke aaye
Chahoon jo inqilaab tou dunya tamaam ho
Ulte zameen yoon ke na koofa na shaam ho
Farmake ye nigaah jo ki suwwe zulfiqaar
Tharrake pichley paaon hata wo sitam shi’aar
Mazloom par safoon se chaley teer beshumaar
Awaaz e kous harb huwi aasmaan ke paar
Naize uthake jang par aswaar tul gaye
Kaaley nishaan sipaah e saeron mein khul gaye
Jab rann mein taegh toul ke Sultaan e deen badhey
Geethi ke thaam lene ko roohul ameen badhey
Manind sher e haq kahin tahre kahin badhey
Goya Ali ulat te huwe aasteen badhey
Jalwa diya jari ne uroose musaaf ko
Mushkil kusha ki taegh ne chorda ghilaaf ko
Allah re taezi o barsh is shola rang ki
Chamki sawaar par tou khabar laayi tang ki
Pyasi faqat lahu ki talabgaar jang ki
Hajat usey na saan ki thi aur na sang ki
Khoon se falak ko laashon se maqtal ko bharti thi
Sou baar dam mein charkh pe chadhti utarti thi
Seene pe chal gayi tou kaleja lahu huwa
Goya jigar mein maut ka nakhan faru huwa
Chamki tou al amaan ka ghul chaar su huwa
Jo iske munh pa aagaya be aabru huwa
Rukta tha ek waar na das se na paanch se
Chehre siyaah hogaye thay is ki aanch se
Bichh bichh gayeen safon pe safein wo jahaan chali
Chamki tou is taraf idhar aayi wahaan chali
Dono taraf ki fouj pukari kahaan chali
Is ne kaha idhar wo pukara yahaan chali
Munh kis taraf hai taegh zanon ko khabar na thi
Sar gir rahe thay aur tanon ko khabar na thi
Allah re khauf taegh e Shahe kainaat ka
Zehr ah tha aab khauf ke maarey furaat ka
Darya mein haal ye tha har ek bad sifaat ka
Chara faraar ka tha na yaara sabaat ka
Ghul tha ke barq girti hai har dar’a posh par
Bhago Khuda ke kahr ka darya hai josh par
Har chand machliyaan thi zira posh sar basar
Munh kholey chipti phirti thi lekin idhar udhar
Bhagi thi mauj chordh ke girdaab ki sipar
Thay tah nasheen nahang ubhartey na thay magar
Darya na tham ta khauf se is barq o taab ke
Lekin padey thay paaon mein chhaley hubaab ke
Phir tou ye ghul huwa ke duhayi Hussain ki
Allah ka ghazab hai ladayi Hussain ki
Darya Hussain ka hai tarayi Hussain ki
Dunya Hussain ki hai Khudayi Hussain ki
Beda bachaya aap ne toofan se Nooh ka
Ab rahm waasta Ali Akbar ki rooh ka
Akbar ka naam sunke jigar par lagi sinaa
Aansoo bhar aaye rok li rahwaar ki ‘inaa
Mudh kar pukarey laashe pisar ko Shahe zamaa
Tum ne na dekhi jang meri ay pidar ki jaa
Qasmein tumhari rooh ki ye log dete hain
Lo ab tou zulfiqaar ko hum rok dete hain
Aayi nidaye ghaib ke Shabbeer marhaba
Is haath ke liye thi ye shamsheer marhaba
Ye aabru ye jang ye tauqeer marhaba
Dikhlaadi maa ke doodh ki taaseer marhaba
Ghalib kiya Khuda ne tujhe kainaat par
Bas khatima jihaad ka hai teri zaat par
Bas ab na kar wigha ki hawas ay Hussain bas
Dam le hawa mein chand nafas ay Hussain bas
Garmi se haampta hai faras ay Hussain bas
Waqte namaz e asr hai bas ay Hussain bas
Pyasa lada nahi koi yoon isdehaam mein
Ab ehtemaam chahiye ummat ke kaam mein
Labbaik kahke taegh rakhi Shay ne miyaan mein
Palti sipaah aayi qayamat jahaan mein
Phir sarkasho ne teer milaye kamaan mein
Phir khul gaye lipat ke pharere nishaan mein
Bekas Hussain zulm shi’aroon mein ghir gaye
Moula tumharey laakh sawaroon mein ghir gaye
Seene pe saamne se chaley das hazaar teer
Chhaathi pe lag gaye kayi sou ek baar teer
Pahlu ke paar barchiyaan seene ke paar teer
Padhtey thay das jo khainchte thay tan se chaar teer
Yoon thay khudang Zille Ilahi ke jism par
Jis tarha khaar hoti hai sahi ke jism par
Chaltey thay chaar simpt se bhaley Hussain par
Toote huwe thay barchiyoon waley Hussain par
Qatil thay khanjaroon ko nikaley Hussain par
Ye dukh Nabi ki godh ke paley Hussain par
Teer e sitam nikaalne wala koi nahin
Girtey thay aur sambhaalne wala koi nahin
Zakhmo se chur chur huwa Fatima ka laal
Sarde riyaaz Ahmad o Hyder huwa nidhaal
Chehre pa khoon mal ke basad hasrat o malaal
Ki arz Shay ne shukr hai ay Rabb e Zuljalaal
Bachpan se roz o shab thi yahi aarzu mujhe
Ya Rabb tere karam ne kiya surkhuru mujhe
Is haal se jo saif ki shiddat huwi siwa
Sadma huwa juda ta’ab tashnagi juda
Aashista rahwaar se Hazrat ne ye kaha
Ab waqt hai wida ka ay asb e ba wafa
Jangal mein ghar Batool ka lut ta hai Zuljanaah
Ab saath ek umr ka chut ta ha Zuljanaah
Ay khush kharaam ab na bachega tera sawaar
Ab ye gulu e khushk hai aur taegh e aabdaar
Ab laash par ghareeb ke daudeinge rahwaar
Pamaal hoga ab Shahe mardoon ka gul’ezaar
Baithega seena e pisar e Bu Turaab par
Qatil dharega paaon Khuda ki kitaab par
Zalim mere galey pa jo khanjar phiraega
Tujh se ye haal qahr ka dekha na jaaega
Naala haram ka hashr zamane mein laaega
Farte gham o alam se jigar thar tharaega
Ab hoga saamna qalaq o izteraar ka
Naize pe sar chadhega tere shahsawaar ka
Laakhon mein ek bekas o dilgeer hai hai
Farzand e Fatima ki ye tauqeer hai hai
Bhaaley wo aur pahlu e Shabbeer hai hai
Wo zahr mein bhujaye huwe teer hai hai
Ghussey mein thay jo fauj ke sarkash bharey huwe
Khali kiye Hussain pe tarkash bharey huwe
Wo gard thi jo bhaagtey phirtey thay waqt e jang
Ek sangdil ne paas se mara jabeen pa sang
Sadme se zard hogaya sibt e Nabi ka rang
Mathey pa haath tha ke galey par laga khudang
Thama gala janaab ne mathey ko chordh ke
Nikla woh teer halq e mubarak ko todh ke
Likha hai teen bhaal ka tha naawake sitam
Munh khul gaya ulat gayi gardan ruka jo dam
Khainchi sari galey ki taraf se ba chashme nam
Bhalein nikaley pusht ki jaanib se hokey kham
Ubla jo khoon nikalta huwa dam tahar gaya
Chullu rakha jo zakhm ke nichey tou bhar gaya
Girtey hain ab Hussain faras par se hai ghazab
Nikli rikaab paaye mutahhar se hai ghazab
Pahlu shigaafta huwa khanjar se hai ghazab
Ghash mein jhukey amama gira sar se hai ghazab
Qura’an rahle zeen se sar e farsh gir padha
Dewaar e Ka’ba baith gayi arsh gir padha
Gir kar kabhi uthey kabhi rakha zamee pa sar
Ugla kabhi lahu tou sambhala kabhi jigar
Hasrat se ki khayaam ki janib kabhi nazar
Karwat kabhi tadap ke idhar li kabhi udhar
Uth baithey jab tou zakhm se barchi ke phal girey
Teer aur tan mein gadd gaye jab munh ke bhal girey
Jangal mein aayi Fatima Zahra ki ye sada
Ummat ne mujhko loot liya wa Mohammada
Is waqt kon haqq e mohabbat karey ada
Hai hai ye zulm aur dou aalam ka muqtara
Unnees sou hai zakhm taney chaak chaak par
Zainab nikal Hussain tadapta hai khaak par
Zahra idhar tadap ke giri aur haram udhar
Qatil ne taegh phaer di Sayyad ke halq par
Haatif ne aasmaan se sada di pukaar kar
Faryaad kat gaya pisar e Fatima ka sar
Be jaan lab e furaat e Shahe tashna lab huwa
Mara gaya Imame zamaan tou ghazab huwa
Dekha jo Ahlebait e Nabi ne utha ke sar
Naizey pe aaftaab e Imamat pada nazar
Daude saroon pa khaak udhatey ba chashme tar
Dekha ye haal jab sarey baleen huwa guzar
Taza lahu rawaan hai taney paash paash se
Takbeer ki sada chali aati hai laash se
Pardah ulat ke binte Ali nikli ba chashm e tar
Larzaan qadam khameeda kamar gharke khoon jigar
Charoon taraf pukaarti thi sar ko peet kar
Ay Karbala bata tera mehmaan hai kidhar
Amma qadam ab uthte nahi tashnakaam ke
Pahuncha dou laash par mere bazu ko thaam ke
Bhayya mein ab kahan se tumhein laaon kya karoon
Kya kahke apne dil ko mein samjhaaon kya karoon
Kiski duhayi doon kisey chillaaon kya karoon
Basti parayi hai mein kidhar jaaon kya karoon
Dunya tamaam ujad gayi veerana ho gaya
Baithoon kahan ke ghar tou azakhana ho gaya
Hai hai tumharey aagey na khwahar guzar gayi
Bhayya batao kya tahey khanjar guzar gayi
Aayi sada na pooch jo hum par guzar gayi
Sad shukr jo guzar gayi behtar guzar gayi
Sar kat gaya hamey tou alam se firaagh hai
Gar hai tou bas tumhari judayi ka daagh hai
Haan aashiqon Hussain ke aah o buka karo
Zahra ka saath do madad e Mustafa karo
Haqq e mohabbat e Shahe wala ada karo
Be sar huwe Hussain qayamat bapa karo
Samjho shareek e majlis e matam Rasool ko
Sab milke dou Hussain ka pursa Batool ko
Bas ay Anees za’uf se larzaan hai band band
Aalam mein yaadgaar raheinge ye chand band
Tapke qalam se za’uf mein kya kya buland band
Aalam pasand lafzein hain sultaan pasand band
Ye fasl aur ye bazm e aza yaadgaar hai
Peeri ke walwale hain khiza ki bahaar hai
Ay Momino! Hussain ka matam akheer hai
by Mir Babar Ali Anees
Bazm e azaa e qibla e alam akheer hai
Shi’yo! Shahe anaam ka matam akheer hai
Hain majlis e tamaam Moharram akheer hai
Uryaan sar hai fatah e badr o hunayn ka
De lo Batool e paak ko pursa Hussain ka
Haan aashiqaan e Shahe umam! Peeto apna sar
Ashra hai aaj aur ye qayamat ki hai sahar
Aalam ke baadshaah ka dunya se hai safar
Uth te hain taaziye ke chaley Shahe bahrobar
Rukhsat hai Shay ki ahle azaa behawaas hain
Dekho tou kaise ta’ziya khane udaas hain
Wa hasrata Imam e gharibaan ka kooch hai
Afsoos hai ke deen ke Sultaan ka kooch hai
Roanakh ke din chaley Shahe zeeshaan ka kooch hai
Rukhsat karo Hussain se mehmaan ka kooch hai
کاش کہ کوئی صاحب یا صاحبہ ، اوپر رومن طریقہ میں لکھے ہوے مرثیے اردو فانٹ میں تبدیل کردے۔
۔۔۔۔۔۔۔۔۔۔۔۔
: Wa hasrata Imam e gharibaan ka kooch hai
وا حسرتا امامِ غریباں کا کوچ ہے
Afsoos hai ke deen ke Sultaan ka kooch hai
افسوس ہے کہ دین کےسلطاں کا کوچ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نسلام نادیہ صا حبہ…
آپ کی تحریر پڑھ کر آںکھوں سے آنسو رواں ہوگئے… اور میں نے آپ کی باتیں پڑھ کر ایک شعر کہا .
شاید یہ شعر آپ کے احساسات کی ترجُمانی کرسکے….
.
… دل میں یہ جُستجو تھی کہ ڈھونڈوں حسین کو …
… اس جُستجو نے مجھ کو خد ا سے ملا د یا…
.
… بصد خلوص …. سیّد ظل ِثقلین
مکرمی سیّد ظل ِثقلین۔عالمی اخبار کے بلاگ خاندان میں خوش آمدید۔ماشا اللہ۔جزاک اللہ۔ کیا کہنا۔ بہت خوبصورت شعر ہے
عالی جناب اگر تو آپ پہلے سے ہی طبع آزمائی کرتے ہیں تو اس کو سلام کی شکل دیکر مکمل ضرور کیجئے اور اگر آپ شعر نہیں کہتے تو پھر خود پر ظلم کرتے ہیں۔ اس شعر کی اٹھان یہ بتاتی ہے کہ آپ شعر نہ بھی کہتے ہوں لیکن شاعر ہیں۔
نوحے کا ربط حمد و ثنا سے ملا دیا
کرب و بلا کو عرشِ عُلا سے ملا دیا
زینب کی جنگ دیکھئے دربار شام میں
بے پردگی کو اپنی حیا سے ملا دیا
احسان اہلبیت کا سب کائنات پر
خوشبو کو گُل سے گُل کو صبا سے ملا دیا
یہ معجزہ تھا کرب وبلا میں حسین کا
پل بھر میں حُر کو اہلِ وفا سے ملا دیا
اللہ کے نبی کے نواسے کی مجلسیں
اہلِ ولا کو اہلِ عزا سے ملا دیا
صفدر یہ فیض آلِ محمد کا فیض ہے
سجاد نے دعا کو شفا سے ملا دیا
نادیہ بتول بخاری صاحبہ، آپکی تحریر بہت مضبوط اور اثر رکھنے والی ہے،،،،،،،، اسے دیکھ کر میری آنکھوں اور روح نے عقیدت کا وضو کر لیا ہے،،،،اللہ سوہنا آپکی تحریر میں مزید پختگی لائے،،،،،،
حسین بادشاہ کی ابتداء وہاں سے ہوتی ہے جہاں ہماری انسانی عقل کی انتہا ہوتی ہے، لہٰذا امام مظلوم کی تلاش کرنا عقیدتاً تو بجا ہو سکتا ہے تا ہم یہ ایسے ہی ہے جیسے کوئی آسمان کی پہنائیوں کو ماپنے نکل پڑے،،،،،،،، نادیہ اگر کوئی ایسا مل جائے جسے انسان نے حسین سے زیادہ محبت،عقیدت اور چاہت دی ہو تو مجھے ضرور اسکی خبر دینا،،،،، اگر قرآن پاک کو مجسم صورت میں دیکھنا ہو تو حسین سے بڑھ کر کون ہو سکتا جو ہر شکل میں مجسم قرآن نظر آتا ہے، ،،،، حسین نے مجھے زندگی سکھائی ہے، اس انسان کو آپ زندہ کیوں کر قرار دے سکتے ہو جس کو رونا نہیں آتا مجھے تو رونا سکھایا ہی حسین کی مظلومیت نے ہے،،،،،،،، حسین زندگی کا امام ہے، زندگی بڑی بدبخت ہوتی اگر اس کو حسین نہ ملتا ،،،، حسین کو دیکھو جن کے ہاتھ میں رسول کریم کی وہ زلفیں زمام بنتی ہیں کہ جن کو چھو کر گزرنے والی ہوا بھی مسلمانوں کو اتنی عزیز ہے کہ وہ اس ہوا کے جھونکے پر واری صدقے جاتے کم پڑتے ہیں،،،،، محترمہ نادیہ صاحبہ مجھے اس تلاش میں آپ کے لیے کچھ کرنا اچھا لگتا لیکن میری زبان خاموش اور ہاتھ ساقط ہوگئے ،،،، آہ میرا مظلوم امام حسین ،،
اللہ اکبر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سخاوت علی
بس التماس دعا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ صفدر صاحب…
آپ کی پسندیدگی میری حوصلہ افزائی کا باعث ھے….12 سال کی عمر سے شاعری عبادت سمجھھ کے کر رھا ھوں…
نادیہ صاحبہ کی تحریر نے شعر کہنے پر مجبور کردیا…آپ کے اشعار بہت عمدہ ہیں…ماشااللہ…
آپ کی دعاوءں کا طلبگار…………. سید ظل ثقلین
سید ظل ِ ثقلین مجھے اپ کے سا منے اپنا اآپ بہت چھوٹا نطر آ رہا ہے ماشا اللہ۔ماشا اللہ۔ مو لا آپ کو اپنی پناہوں میں ر کھیں آمین
نادیہ صاحبہ… آداب…
یہ آپ کا بڑا پن ھے…. ورنہ ھم کس قابل… مولا آپ کو سلامت رکھیں….
اللہ آپ کو اور ترقی……. اور عروج عطا فرمائے…..
خاکسار…. سید ظل ِ ثقلین…
The person won the check Libby memorial service Award around 2088, the year 2010 and the year of 2011. The guy won the main Scorer Award on 2008-2013 along with the Tag Bavis Memorial Award for 2007. Inside 2007 and even 2011 he won Most widely used Participant since this year in addition to 2013 your dog won just for Best Protecting Participant.
اخبار جهانی ، بهترین و جامعترین سیستم جمع آوری خبر فارسی و قویترین موتور جستجوی خبر و جستجوگر هوشمند خبر
اخبار جهان ، با ما از همه چیز باخبر شوید ، اخبار جهانی