دو شمعیں ہو چکیں روشن

بہت مشکل ہوتا ھے اخبار نکالنا اور اس سے کہیں زیادہ مشکل ہوتا ہے اس معیار کو برقرار رکھنا جو اس کی
پہچان بنتا ہے ، اور اس سےکہیں زیادہ مشکل ہو جاتا ہے انٹرنیٹ پر اخبار کو سنبھالنا ، انٹرنیٹ کا اخبار ایک ٹی وی چینل کی طرح ہوتا ہے ، ہر وقت اور بروقت کے ساتھ ساتھ چوبیس گھنٹے تیار رہنا اور پھر اس دنیا میں جہاں ہر پل بدلتا ہے ، سورج غروب نہیں ہوتا ، اور اس گلوبل ولیج میں جہاں ہر گھر ایک دوسرے گھر سے جڑا ہوا ہے ، تبدیلی کی خبر ضروری نہیں بلکہ ضرورت بن چکی ہے ۔
عالمی اخبار ان تمام امور کو بحسن و خوبی چلا رہا ہے ، نگہت بہن ، صفدر ہمدانی ، شمس جیلانی ، زرقا مفتی اور امجد شیخ جیسے جید اصحاب کی زیر نگرانی چلنے والا یہ اخبار اس ادارے کی شکل اختیار کر چکا ہے جو نہ صرف خبروں بلکہ اردو ادب اور پاکستانی ثقافت کی پہچان ہے ، یہ ادارہ ابھی صرف دو سال کا ہے اور امید واثق ہے کہ دو سو سال بعد بھی اسکا نام صف اول کی ویب سائیٹس میں ہو گا ، جو انٹرنیٹ پر اردو کی پہچان ہیں۔

میری دعائیں آپ سب دوستوں کے ساتھ ھیں ، اللہ اس ادارے کو پاکستان اور اردو کی پہچان بنائے آمین